ابتعاث مساعد الرشيدي إلى امريكا
ابتعث الشاعر مساعد الرشيدي رحمه الله إلى امريكا وحينها تذكر وطنه الحبيب المملكة العربية السعودية وكتب حينها قصيدته الرائعة المسماة يا طير ووننشر لكم قصائد مساعد الرشيدي مكتوبه:
حزين من الشتا والاحزين من الظما ياطير
دخيل الريشتين اللي تضفك حل عن عيني
دخيل الما وملح الما وحزن الما قبل ماتطير
تهيا للهبوب اللي تصافق في شراييني
دخيل الغصن والظل والهزيل وهفهفات إعصير
دخيلك لاتشح بنجمتي والليل ممسيني
ترفرف يافقير الريش ضيقه والنهار قصير
علامك كل ماليل جناحك جيت ساريني
انا ماني بخير وجيت يمي وانت مانت بخير
وانا ياطير في من الهجاد اللي مكفيني
ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني
عودته من امريكا
بعد ان عاد الشاعر السعودي مساعد الرشيدي كتب قصيدته الرائعة الكنة او كما تسمي عذب السجايا:
عذب السجايا وعوده بأول الكنه .. متى تزين السوالف وأخذ علومه
وأسامحه عن خطاه الجرح والونه .. وأعاتبه لو يصد شوي والومه
وأذكره بأول المسفار حتى إنه .. لامن تذكر زمان أول نسى نومه
يومن أنه أقبل خدين الروح يومنه .. وأقبلت اراعيه والقومه هي القومه
من يومها والحشا ماعاد له خنه .. إلا لصوته وميعاده وملزومه
عفري هنف للضلوع وجالهن حنه .. وأستانست له فياض القلب ورجومه
لبى جبينه لا أرتج الغطا كنه .. برق يصب الرفيف بكبد ديمومه
ما أقول شفته وشفت البيض يتلنه .. أقول شفته وشفت الشمس منجومه
ما أقول كن الجديل الليل لاكنه .. ليل خرعه الظلام وضيع نجومه
ياقبلة الله هكا العنقود لامنه .. قام يتهجا شذا عطره ويشمومه
فيه أنتهى النور لا والله بدا منه .. فجر نعس بالوريد ونام بهدومه
ورد تفرعن حماره قلت أباكنه .. الى متى والحنايا منه مفطومه
فز وتطرق رطيبه قلت ماعنه .. بالم شيحه وريحانه وقيصومه
صد وتلعثم هديله في برد سنه .. ياقوم ذا النور يوم أنكت ياقومه
الله عطانيه والله يعطي الجنه .. واليا أستجد الهوى كل ومقسومه
تفاصيل اخرى
عندما كبر مساعد اهدي والده ابياً من الشعر يقول فيها :
يابوي لا يلحقك شك ولاريب
انفض هجوسك وارفع الراس عالي
أنا شبابك لاغزى راسك الشيب
وانا عضيدك لو تجور الليالي
حيث ان والده كان لديه اعتراض في البداية ولكن روح التحدي التي كانت بروح شارعنا الكبير وشراره التحدي جعله يتحدي الجميع ويصبح من اقوي الشعراء ليس المملكة العربية السعودية بل دول الخليج العربية كاملة.
اخر ظهور له مساعد الرشيدي
في هذا الفيديو نشاركم اخر فيديو ظهر فيه الشاعر مساعد رحمه الله تعالي واسكنه فسيح جناته
https://www.youtube.com/watch?v=wU7q84vBgGE
من اهم قصايده
نتشارك معكم اهم القصائد التي قالها الشاعر رحمه ويمكنك طلب اي قصيدة تحبها وسوف نضيفها للموضوع فقط اتك تعليق
قصدية ادخل على الله
احد اهم القصايد في ديوان الشاعر مساعد رحمه الله
| أدخل علـى الله و أسلـم الأمـر تسليـمو أستغفـره و أستـذكـره و أستميـحـه |
| وضـح النوايـا و المسـاري مجاهـيـمو الحلـم غـالـي و الليـالـي شحيـحـه |
| سـادت مفاهيـم(ن) و بـادت مفاهـيـمويح الزمـن يـا بنـت الأجـواد ويحـه |
| خـلــي عـلــوم ممـسـيـن الـمـرازيـمو إخذي علوم مصمصميـن القريحـة |
| حنا سلايل (عبـس) يـا مذيـل الريـمحـنـا مقابـيـس الـوغــا يـــا ملـيـحـة |
| حنـا سلايـل (قاسـم الخيـل) و دلـيـموزعاتـنـا بـوقـت المكـايـد رجـيـحـة |
| بدو(ن) حفايـا مـا أنصفتنـا المقاسيـمو بصدورنا عـز(ن) تطانـخ فحيحـة |
| نرعى رفيف البرق فـي ساقـة الغيـمو مـن يستبيـح حـدودنـا مــا نبيـحـه |
| و إليا ترع في هرجته دفـش و بهيـمخطـوا الهبـود اللـي تكـابـر فطيـحـه |
| عـن ساقـط الهرجـة نطـق الملاطـيـمو من طاح فيهـا مـا رحمنـا مطيحـه |
| نكبر عن الطفسة و نجزع من الضيمو نمـوت مـا ناطـا شليـل الفضيـحـة |
| نــزوم زومــات الـرجـال المحاشـيـمو نـهـد هــدات الـنـمـور الجـريـحـة |
| ربـعـي عـلـى در المـنـايـا مفـاطـيـممـن هازنـا زاغـت عجـوزه تصيحـه |
| و إلـيـا تغشليـنـا عـسـيـر الشغـامـيـملومك علـى اللـي مـا يبرهـن مديحـه |
| إن لـولـشــن مـحـشـمـات الـمـلاثـيـمو المـوت حثـرب بالحناجـر ظبيـحـه |
| جينا من أقصانا سحـاب(ن) مراديـمكـل(ن) يذكـي حروتـه عـن نطيحـه |
| يـــا زيـــن دح إنفـوسـنـا للـتـرانـيـمو العـج واقـف و الفعـايـل صريـحـة |
| كـان المنايـا سوقـهـا مــا بـعـد سـيـمو الخوف برق من قلوب(ن) كسيحه |
| حـنــا زبـايـنـهـا عــلــي الـمـلازيــمعلـم(ن) يقـريـه النصـيـح لنصيـحـه |
| و الـلـي بـنـا بيـتـه نـبـيـه إبـراهـيـمإنــا طـريـق لمستـبـيـت الضـريـحـه |
| بـنـي رشـيـد إن عـتـم الـجـو تعتـيـممــا لـلـردى فيـنـا مـعـالـم و لـيـحـه |
| أجسر من الرعاد و أكـرم مـن الديـمسمـر الجبـاه أهــل الوجـيـه الفليـحـه |
| يـا بـنـت مــا حـنـا فـقـارى معـاديـملــو مــا سكـنـا بالقـصـور الفسيـحـة |
| تـجـار لــو حـاشـت يـديـنـا مـلالـيـمو مــن الغـنـاه نفـوسـنـا مستـريـحـة |
| مــا نستضـيـق إلـيـا لفـونـا معـازيـمللضـيـف لــو نـذبـح حديـنـا ذبيـحـه |
| دايــــم يـديـنــا للـعـطـايـا مـوالــيــملا خانـت الفزعـة وجيـه(ن) كليـحـه |
| طال القريـض و مقبـل الـود و مقيـمو الـبـال عـيــا طـارقــه لا يـريـحـه |
| أقولهـا و أبصـم علـى القـول تبصيـمو العلـم بيـن زايـفـه مــن صحيـحـه |
| ماهو قصور(ن) بالحرار الصماصيمكل(ن) بدرب العـز قـد هـب ريحـه |
| و مدحـي لربعـي مـا يــذم الأكـاريـمو مـا يستشـك إلا خبـيـث الشريـحـة |
| و الحـق واضــح للـرجـال المفاهـيـمو الحقـد يـخـرث بالنـفـوس القبيـحـة |
| و الشر من جية (معزي) و هو نيـمو اليـوم وحـدة و الشريـعـة سميـحـة |
قصيدة يا ذيب
والتي يقول فيها الشاعر مساعد الرشيدي :
ياذيب ياللي بالحنايـا لـك قنيـب
أتلفتنـي بعـواك يامـال التـلـف
دور لجوعك رجم ولهمـي شعيـب
ودور لعيني نـوم لوكانـه سلـف
من بارحة لأولى وأنا أودي وأجيب
طواري منها شعـر راسـي وقـف
تزاحم الضيقات بالصـدر الرحيـب
نفتح ملـف الهـم ونقفـل ملـف
يالله بجاهك من تريديـة النصيـب
وبحماك يالله من مقاشير الصـدف
نشيب ورموش الليالـي ماتشيـب
ونعف وصـدوف الليالـي ماتعـف
وكم خاب ظني وكنت أظنه مايخيب
وكم باروا الأصحاب فينـا للأسـف
وكم صالفت بقعا عساهـا للذهيـب
وفي عـز شدتهـا قلبناهـا تـرف
نقدم على رقـي المنابـر مانهيـب
إن جات وإلا ماعلى الدنيـا حسـف
نحيا حياة أحرار راضين النصيـب
ونمووووت ماتاطى لنا الدنيا طرف
ونقصر خطاوينا عن الدرب المعيب
وبالماقف اللي يبهج الخاطر نقـف
ونطيب لو عيـت ليالينـا تطيـب
فضل من اللي جمٌل الحـال ولطـف
غصب على الوجه الكريه المستريب
وغصب عن الرديان من شق وطرف
قصيدة الطريق المهجور
يقول الشاعر مساعد الرشيدي رحمه الله في هذه القصيدة:
تخوفني مشاوير الطريق المظلم المهجور
واليامني ذكرتك قلت طولي يامشاويري
عزاي انك رجاي العذب لو كل الدروب عثور
وصلت اوماوصلت اعرفك ما انته منتظر غيري
حبيبي .. وكل الله لاتحسب إني بليد شعور
لو انت المستحيل الصعب .. ماابدي لك معاذيري
احبك .. رغم تجريح الليال لقلبي المقهور
اشوف الجرح يكبر وانت تكبر وسط تفكيري
احبك .. لو يموت الحب وتصير القلوب قبور
احبك كلمة لو حرموها .. حل تفكيري
احبك من هنا حتى طلوع الفجر .. حد النور
صحيح انك قدر محتوم بس اجمل مقاديري
بعذر اللي يحبك لو يصير الشاعر المشهور
لأنك تنهمر حلو القصيده في تعابيري
احد ربي يحطك له حبيب .. ومايجيه غرور ؟
وانا مهما بغيت استوعبك ياقل تقديري
هلا بك من قدمك … لغرتك لي شعرك المنثور
هلا في كل شيٍ فيك وانت اغلي مساييري
أثر صدق الغلا يجبر حطام الخاطر المكسور
وانا مهما منحتك من غلاي اشعر بتقصيري
ولو طالت مشاوير الطريق المظلم المهجور
انا لامن ذكرتك قلت .. احبك يامشاويري
قصيدة جديد اخباري
قصيدة جديد اخباري وبثت هذه القصدية على التلفزيون الكويتي
https://www.youtube.com/watch?v=mbHQyXiM3TQ
بكاء فايز المالكي عند مقابلته احد ابناء مساعد الرشيدي
في فيديو على انتشر على تواصل التواصل الاجتماعي خاصة من تويتر واليوتيوب ظهر الفنان فايز المالكي باكياً عن رؤيته احد ابناء الشاعر مساعد الرشيدي رحمه الله
https://www.youtube.com/watch?v=KvD1EiWlb8E
اخر ابيات شعر للشاعر مساعد الرشيدي
كان اخر ما كتبه شاعرنا الكبير رحمه الله هيا ابيات قام بنشرها على حسابه على تويتر قبل 5 ايام من رحيله رحمه الله وذلك في الشرطي جبران عواجي الذي تمكن من القضاء على اثنين من العناصر الارهابية في حي الياسمين بالرياض حيث قال فيه
مادام يولد للوطن مثل جبران
تموت عدوان الوطن ما تطوله
رحم الله شاعرنا الكبير مساعد الرشيدي واسكنه فسيح جناته واغسله بالماء والثلج والبرد ادعو له فكل انسان يحتاج إلى دعواتكم .
تعليقات